كني بلوعه وهمٍ زاد في حالي = ولا يذهب النار كون اللي يصاليها
من حزن ابو فيصلٍ هم وغربالي = الروح مرضانةٍ والحزن ماليها
انا مريضٍ وكن كبدي على صالي = كنها على حامي المله تصاليها
والعين فيها من الزنجار مكيالي = من عقب حزن الفقيد النوم مخطيها
حزنٍ على ريف جاره طيب الفالي = جيران بيته من الزلات حاميها
لا زلةٍ منّه لاكبرٍولا هبالي = ماغير روحٍ مع اهل الطيب مرذيها
طلقٍ حجاجه ووجهه له تبهلالي = ونفسه على المنج الطيب مضريها
زين المحيا مع الاقفاء ولاقبالي = مع كلمةٍ باطيب المنطوق يبديها
بابطي وحزنه بوسط الكبد متوالي = وتبطي جروح الحزن في كبد راعيها
وان جيت باسج منه ريت الامثالي = تنقض الاجراح بينها وخافيها
ماغاب من ناظري لو ربع مثقالي = هذاء خياله بعيني دايمٍ فيها
يالسين ياشيخ ياللي منزله عالي = قمة هل المجد دايم منزله فيها
لون من دونه ملاقات الابطالي = خذنا سهوم المنايا في تحديها
ولو جاء نهارٍعبوسٍ فيه الاهوالي = من دونه ارواحنا للموت نهديها
لو ان بالجاه سقنا الحال والمالي = سقنا المطاليب من دونه ونديها
عسى ديارٍ تسبب موتت الغالي = لعل وبل السحايب مايساقيها
عسى يجيها من الحالات زلزالي = ياعل الامحال باولها وتاليها
يالله عساها خرابٍ دوم واطلالي = وعواصف الريح تلعب في محانيها
ينعق بها البوم قفرٍ مابها والي = عسى النمل والطيور السود تاتيها
لافيش مرتع ولا عاد فيش منزالي = ولا عاد تبغى ولاهو ينزل فيها
وعفنا الوطن لو محله عشب واهجالي = ومن عقب ابو فيصلٍ تنعاف اراضيها
وصلاة ربي عدد من مر الاميالي = ومن طاف الاركان واللي يستعي فيها

وسلامتكم وسلامة السامعين صح الله لسان الشاعر/حمد بن راشد بن همام المري
ورحمة الله على المغفور له /حمد بن سعيد الغضيض المري(ابو فيصـــــــل)